Нийслэлийн Залуучуудын Хөгжлийн Газар

Сүүлд нэмэгдсэн

Төсөл хөтөлбөрүүд

Компьютерийн үндсэн хэрэглээний сургалтыг 151 залуу амжилттай төгслөө

2018 оны 9 сарын 04 | 17:28

Нийслэлийн Засаг даргын хэрэгжүүлэгч агентлаг Залуучуудын хөгжлийн газар “Залуучуудын хөгжлийг дэмжих төв”-ийг 2017 оны 5 дугаар сарын 19-ний өдөр албан ёсоор нээж, мэдээллийн технологийн сургалтын төв, бизнес инкубатор төвийн үйл ажиллагааг явуулж эхэлсэн.
Тус төвийн дэргэдэх БНСУ-ын Олон улсын хамтын ажиллагааны нийгэмлэг (KOICA)-ын санхүүжилттэй “Эм Кэй Ай Ти” (“MKIT”) мэдээллийн технологийн сургалтын төвийн компьютерийн үндсэн хэрэглээний сургалтад энэ онд 297 залуучууд хамрагдсан бөгөөд 2018 оны 9 дүгээр сарын 3-ны өдөр 30 залуучууд амжилттай төгсөж, 151 дэх залуу сертификатаа гардан авлаа.
“Эм Кэй Ай Ти” (“MKIT”) мэдээллийн технологийн сургалтын төв нь нийслэлийн залуучуудыг богино хугацаанд мэдээллийн технологийн салбарт мэргэшүүлж, олон улсын зах зээлд өрсөлдөх чадвартай боловсон хүчин бэлтгэх, Монголын мэдээллийн технологийн мэргэжилтнүүдийн хөгжлийг дэлхийн түвшинд хүргэх, дэмжлэг үзүүлэх зорилгоор компьютерын өргөн хэрэглээний программын сургалтаас гадна “JAVA” хөгжүүлэгч, вэб хөгжүүлэгч, вэб дизайн, системийн зохицуулагч, өгөгдлийн сан болон фотошоп программын анхан шат, “excel” программын ахисан түвшний нарийн мэргэжлийн нийт 8 төрлийн сургалтыг үнэ төлбөргүй явуулдаг.

Сургалтыг амжилттай төгссөн залуучуудыг бизнес инкубатор төвд сар бүр 440,000 төгрөгийн цалинтай дадлагажуулж, гадаад, дотоодын “IT”-ийн чиглэлээр үйл ажиллагаа явуулдаг аж ахуй нэгж, байгууллагуудад хандан, өндөр цалинтай ажлын байранд холбож өгдөг юм.
Өнөөдрийн байдлаар мэдээллийн технологийн 8 төрлийн сургалтад нийт 1890 залуучууд хамрагдан, 642 залуучууд амжилттай төгслөө.
Лавлах утас: 70122999, 97125557

Нийслэлийн Залуучуудын хөгжлийн газар